Rüyalar Admin
عدد المساهمات : 1593 نقاط : 18050 تاريخ التسجيل : 20/06/2010 العمر : 29
| موضوع: ارواحو نحكيلكم ولي ما يضحكش نقتلوا الإثنين يونيو 28, 2010 4:18 am | |
| ارواحو نحكيلكم ولي ما يضحكش نقتلوا قالك هذا موبايل قال للشريحة(بيس)روحي انت مطلقة بدات تبكي وقاتلو والرصيد الي فبطني هههههههه (مسكينة طلقها وهي حامل)
قالك املا واحد وكال . الماكلة كي يعود يتحط عليها ما يحبسش خلاص (ما عندوش الفران)املا راح للمريكان .ووصاتو امو دايما قبل ما ياكل يسمي (باه ما ياكلش معاه الشيطان)املا كي وصل لهيه نسى السمانة الاولى ايا ما سماش والتانية تاني......وصل للشهرين ايا خرجلو الشيطان في رايك واش قالو .....على وجه ربي سمي راني قريب نطرطق ههههههههههههههههههههههههه ههههه
قالك واحد من الدوار راح يتعالج فالخارج (المريكان) املا قالك سقساه الطبيب على السيكاتريس الي راهي في كرشو قالو ?what is these قالو الراجل الي من الدوار ذيس ايز تــــــــش....احححححح ههههههههههههههههههههههههه هههههههه(كواوه كي كان صغير باه ما ياخذوهش بالعين)ههههههههه
قالك واحد طفل الصغير يبكي.. يبكي.. يبكي جات عندو امو قاتلو واش بيك غير الخير قالها يا اما راني نبكي على جال المستقبل تاعي....ياوو كي يكبرو صحابي نقعد وحدي ما كاش مع شكون نلعب هههههههههههههههههههههههه
قالك واحد كيما يقولو نذل تلاقا بسراق (زرام) ايا قال الاول للتاني علمني كيفاه يسرقو ونعلمك النذالة قالو ايا ما عليش ابدا انت ايا اداه النذل لدارو املا قالو الدرس الاول هو..........ايا وبدا يعيط سراااااااااااااااااااق سرااااااااااااااااااااااق ههههههههههههههههههههههههه هههههههههههههههههه باصه المسكين هههههههههه
ايا املا قالك واحد كل ما يزيد عندو طفل يقتلو ايا سقساوه الجماعة وعلاه راه ادير هك قالهم يااو درت فيهم اجر ياو عصافير فالجنة خير من احمرة (حاشاكم)فالارض هههههههههههههههههههههه
قالك واحد مشحاح الرحمة ماكاش ايا املا كان ياكل بيدو اليسرى ايا قالو صاحبو كول باليمنى هكا راه ياكل معاك الشيطان ايا راح سمم الماكلة هههههههههههههههههه
قالك واحد بايخ وصامط عيط لخطيبتو قالها الحنونة شتي الليل قاتلو ايه قالها شتي النجوم قاتلو ايـــــه (مسكينة ابالها راح يغازلها) قالها شتي القمر قاتلو وهي فرحانة ايـــــــــــــــــــــه قالها املا علاه ما زال ما رقدتيش ههههههههههههههههههههههههه هههههههههههههههههههه
(ايا هاذ النكتة ما تصلح بالجزايرية ايا ماعليش) التقى صديقان فقال الاول للتاني هل تعمل سيارتك قال التاني لا مازالت طالبة ههههههههههههههههههههههههه هههه
قالك واحد ما يعرف والو اشرى لي كوتار (سماعات) ايا اليوم التاني رجعهم للحوانتي وعلاه ..........قالك راهم فاسدين يمشيو في زوج نفس الغناية من البارح ههههههههههههههههههههههههه ههه
قالك املا شيخ كان يتفرج فلا تيلي (tv)ايا طاح في قناة تاع الغنا ولقى فيها وردة الجزائرية تغني ...بتونس بيـــــــــــــك قالها الشيخ انت فالنار ايا كملت الغناية وانت معايا ههههههههههههههههههههههههه هه
قالك واحد مشغول ازوج بوحدة مشغولة ولدو طفل ماهوش قاعد ههههههههههههههههههههههههه ههه
قالك واحد مزطول يكحل على وحدة باشعة قالها يا باشعة يا بااااشعة قاتلو اسكت علي اهدر على روحك الي مدروقي قالها يااااو على الاقل غدوة نفيق وانت واش اديري ههههههههههههههههههههههههه ه
ايا باااااااااااي استناو الجديد فالقريب العاجل (بيناتنا اذا شفت الردود يااااسر نزيد نحكيلكم)ايا صحا
ان شاء تكون عجبتكم برك .
| |
|
chahinez عضوة ذهبية
عدد المساهمات : 535 نقاط : 15820 تاريخ التسجيل : 20/06/2010 العمر : 29
| موضوع: رد: ارواحو نحكيلكم ولي ما يضحكش نقتلوا الخميس أغسطس 05, 2010 11:14 am | |
| | |
|
Rüyalar Admin
عدد المساهمات : 1593 نقاط : 18050 تاريخ التسجيل : 20/06/2010 العمر : 29
| موضوع: رد: ارواحو نحكيلكم ولي ما يضحكش نقتلوا السبت سبتمبر 04, 2010 9:12 am | |
| شكرا على المرور نورتي الموضوع | |
|
Razika la Modeste عضوة نشيطة
عدد المساهمات : 77 نقاط : 11894 تاريخ التسجيل : 22/07/2013 العمر : 24
| موضوع: رد: ارواحو نحكيلكم ولي ما يضحكش نقتلوا الثلاثاء يوليو 23, 2013 5:49 pm | |
| | |
|